بسم الله الرحمن الرحيم
நூல்: கிதாப் அத்-தவ்ஹீத்
ஆசிரியர்: ஷெய்ஹுல் இஸ்லாம் அல்-முஜத்தித் முஹம்மத் இப்னு அப்தில் வஹ்ஹாப் ரஹிமஹுல்லாஹ்
பாடம்: 1 (முஹம்மத் இப்னு அப்தில் வஹ்ஹாப் ரஹிமஹுல்லாஹ் – வாழ்க்கை சுருக்கம்)
விரிவுரை; அபு அம்ர் பஸ்மில் இப்னு அமீர் (பரீஸ்) அஸ்-ஸெய்லானி وفقه الله
அல்ஹம்துலில்லாஹ்! அல்லாஹ் ஒவ்வொரு காலகட்டத்திலும் நேர்வழியில் மக்களை அழைக்கின்ற சீர்திருத்தவாதிகளை அனுப்பி இந்த சமூகத்தை சீர்படுத்தி அருள் புரிந்தான்.
ஹிஜ்ரி பன்னிரண்டாம் நூற்றாண்டில் ஜெஸீரதுல் அரப்-அரேபிய தீபகற்பம் முழுவதுமாக அறிவின்மையும் மடமைத்தனமும் மக்களிடையே பெருகி காணப்பட்டது. இஸ்லாத்தில் இல்லாத புதுமை (பித்ஆக்கள்) புரிவதிலும்; மூட நம்பிக்கை (குராபாத்)களிலும் மேலும் சமாதி, மரங்கள் போன்றவற்றை வணங்கி வழிபட்டு இணைவைப்பபு (ஷிர்க்) செய்வதிலும் மக்கள் ஈடுபட்டு வந்தார்கள்.
இவ்வாறான ஒரு சூழலில்தான் நாவாலும் எழுத்தாலும் மக்களை அல்லாஹ்வின் பால் அழைக்க; நபி صلى الله عليه وسلم அவர்களை, அல்லாஹ் நபியாக உலகிற்கு அனுப்பியதன் உண்மைகளை மக்களுக்கு மத்தியில் எத்திவைக்க; மேலும் அரேபிய தீபகற்பத்தையும் இந்த உலகையும் துப்பரவு செய்து சீர்திருத்த; தங்களது தஃவா-(பிரச்சார)ப் பயணத்தை ஷெய்ஹுல் இஸ்லாம் அல்-முஜத்தித் முஹம்மத் இப்னு அப்தில் வஹ்ஹாப் ரஹிமஹுல்லாஹ் அவர்கள் ஆரம்பித்தார்கள்.
❖ யார் இந்த முஹம்மத் இப்னு அப்தில் வஹ்ஹாப் ரஹிமஹுல்லாஹ்?
❖முஹம்மத் இப்னு அப்தில் வஹ்ஹாப் ரஹிமஹுல்லாஹ் அவர்களின் கிதாபுத் தவ்ஹீத் என்ற புத்தகத்தின் சிறப்பு மற்றும் அப்புத்தகத்தில் இமாம் அவர்கள் எவ்வாறான விஷயங்களை தெளிவுபடுத்துகிறார்கள்?
கிதாபுத் தவ்ஹீத் – தவ்ஹீதைப் பற்றி மிகத் துல்லியமாகவும் அழகாகவும் ஆதாரங்களோடும் பேசுகின்ற; கீழ்க்காணும் இப்புத்தகத்தின் விளக்கவுரையை இன்ஷா-அல்லாஹ்! செவிமடுப்போம்! பயன்பெறுவோம்! எத்திவைப்போம்!
எங்களுடைய இந்த அறிவுத் தளத்துடன் இணைந்திருப்பதன் மூலம்; இங்கு பதிவிடப்படும் உண்மையான ஸலபி உலமாக்களின் அல்-குர்ஆன், அகீதா, தவ்ஹீத், பிக்ஹ், பத்வாக்கள் போன்ற இன்னும் பல பயன்தரக்கூடிய அறிவுகளிலிருந்து, இன்ஷா அல்லாஹ் பயன்பெற முடியும்.
