بسم الله الرحمن الرحيم
அஷ் ஷெய்க் ஸெய்த் இப்னு முஹம்மத் இப்னு ஹாதி அல் மத்கலி ரஹிமஹுல்லாஹ் அவர்கள் கூறுகிறார்கள்:
ஸஹாபாக்கள் அனைவருக்குமே வெளிப்படையான தனிச் சிறப்பும் மதிப்பும் இருக்கின்றன. இருந்தபோதிலும் ஸஹாபாக்களில் சிலரை விட சிலருக்கு கூடுதலான சிறப்புகள் இருக்கின்றது. எவ்வாறு, நபிமார்கள் அனைவரும் சிறப்பானவர்கள் என்றபோதிலும்; அல்லாஹுத் தஆலா நபிமார்களில் சிலரை விட சிலரை சிறப்புகளால் மேன்மை படுத்தி உள்ளான் என்று கூறி இருக்கின்றானோ அதே போன்று;
அல்லாஹ் ஸுபஹானஹு வ தஆலா கூறுகிறான்:
تِلْكَ الرُّسُلُ فَضَّلْنَا بَعْضَهُمْ عَلٰى بَعْضٍۘ
அத்தூதுவர்கள் அவர்களில் சிலரைச் சிலரைவிட நாம் மேன்மையாக்கி இருக்கின்றோம். [சூரா அல்-பகரா: 253]
எனவே ஸஹாபாக்களில் சிலரை விட சிலருக்கு கூடுதலான சிறப்புகள் இருக்கின்றன. ஆனால் அவர்களில் யாரும் கீழ்தரமானர்கள் அல்லர்.
ஸஹாபாக்களில் மிகச் சிறந்தவர் முதன்மையானவர்:
1 – அபூபக்ர் (அஸ்-ஸித்தீக்) அப்துல்லாஹ் இப்னு உஸ்மான் (அபூ குஹாபா ரழியல்லாஹு அன்ஹு
அதன் பிறகு,
2 – உமர் இப்னுல் கத்தாப் (அல் ஃபாரூக்) ரழியல்லாஹு அன்ஹு
3 – உஸ்மான் இப்னு அப்ஃபான் (துன் நூரைன்) ரழியல்லாஹு அன்ஹு
4 – அலி இப்னு அபீ தாலிப் (வாலிதுஸ் ஸிப்தைன்) ரழியல்லாஹு அன்ஹு
மேற்கூறப்பட்ட நான்கு ஸஹாபாக்களும் (அஷரதுல் முபஷ்ஷரீன்) சொர்க்கத்திற்கு நன்மாராயம் கூறப்பட்ட பத்து சஹாபாக்களில் உள்ளவர்கள் ஆவார்கள்.
மேலும் (அல்-குலஃபாஉர் ராஷிதீன்) என்ற நேர்வழி பெற்ற தலைவர்களும் ஆவர்.
இவர்களுக்குப் பிறகு சிறப்புக்குறியவர்கள்:
5 – (அஷரதுல் முபஷ்ஷரீன்) சொர்க்கத்திற்கு நன்மாறாயம் கூறப்பட்டவர்களில் இடம்பெறும் மற்ற ஸஹாபாக்கள்
■ தல்ஹா இப்னு உபைதுல்லாஹ்.
■ அஸ் ஸுபைர் இப்னுல் அவ்வாம்.
■ அப்துர் ரஹ்மான் இப்னு அஃவ்ப்.
■ அபூ உபைதா இப்னுல் ஜர்ராஹ்.
■ ஸஅத் இப்னு அபீ-வக்காஸ்.
■ஸஈத் இப்னு ஸைத்.
இவர்களுக்குப் பிறகு சிறப்புக்குறியவர்கள்.
6 – முஹாஜிர்கள் ( المهاجرون ) – ஹிஜ்ரத் செய்த ஸஹாபாக்கள் ரழியல்லாஹு அன்ஹும் அஜ்மஈன்.
7 – அன்ஸாரிகள் (الأنصار) – ஹிஜ்ரத் செய்து வந்த ஸஹாபாக்களுக்கு உதவிபுரிந்து வரவேற்பு செய்த ஸஹாபாக்கள் ரழியல்லாஹு அன்ஹும் அஜ்மஈன்.
8 – அஹ்லு பத்ர் (أهل بدر) – பத்ருப் போரில் கலந்து கொண்ட ஸஹாபாக்கள் ரழியல்லாஹு அன்ஹும் அஜ்மஈன்.
9 – அஹ்லு பைஅதிர் ரிள்வான் (أهل بيعة الرضوان) – ஹுதைபிய்யா உடன்படிக்கையில் கலந்து கொண்ட ஸஹாபாக்கள் ரழியல்லாஹு அன்ஹும் அஜ்மஈன்.
10 – மக்கா வெற்றிக்கு முன்பாக இஸ்லாத்தை ஏற்று போர்களில் பங்குபெற்ற ஸஹாபாக்கள் ரழியல்லாஹு அன்ஹும் அஜ்மஈன்.
11 – மக்கா வெற்றிக்கு பிறகு இஸ்லாத்தை ஏற்று போர்களில் பங்குபெற்ற ஸஹாபாக்கள் ரழியல்லாஹும அன்ஹும் அஜ்மஈன்.
12 – இவர்கள் அல்லாத ஏனைய ஸஹாபாக்கள் ரழியல்லாஹு அன்ஹும் அஜ்மஈன்.
நூல்: தைஸீர் அர்-ரப்பிர் ரஹீம் ஷரஹ் அல்-மன்தூமதில் லாமிய்யா.
தமிழில்: அபூ ஜுலைபிப் ஸாஜித் அஸ் ஸெய்லானி வஃப்பகஹுல்லாஹ்.
எங்களுடைய இந்த அறிவுத் தளத்துடன் இணைந்திருப்பதன் மூலம்; இங்கு பதிவிடப்படும் உண்மையான ஸலபி உலமாக்களின் அல்-குர்ஆன், அகீதா, தவ்ஹீத், பிக்ஹ், பத்வாக்கள் போன்ற இன்னும் பல பயன்தரக்கூடிய அறிவுகளிலிருந்து, இன்ஷா அல்லாஹ் பயன்பெற முடியும்.
