بسم اللــــه الرحمـــــــــن الرحيم
விளக்கவுரை: அஷ்ஷெய்ஹ் அபூ அப்திர்-ரஹ்மான் நவ்வாஸ் அல்-ஹிந்தி அஸ்-ஸெய்லானி (ஹபிழஹுல்லாஹ்)
தொகுப்பு: அபூ ஜுலைபீப் ஸாஜித் இப்னு (சுப்யான்) நஸ்ருதீன் அஸ்-ஸெய்லானி
அன்புமிக்க சகோதரர்களே!
அல்லாஹ் தபாரக வ தஆலா தன்னுடைய மேலான பேச்சான திருக்குர்ஆனில் கூறுகிறான்:
وَرَبُّكَ يَخْلُقُ مَا يَشَآءُ وَيَخْتَارُ
மேலும் உமதிரட்சகன் தான் நாடியவற்றைப் படைக்கிறான், தான் விரும்பியவற்றை தேர்ந்தெடுக்கின்றான். [சூரா அல் கஸஸ்: 68]
அல்லாஹ் ஸுபஹானஹு வ தஆலா தான் நாடியதை படைக்கக் கூடியவனாக இருக்கின்றான். அதேபோல் தான் நாடியதை மேன்மைப்படுத்தி தேர்ந்தெடுக்கக் கூடியவனாகவும் இருக்கின்றான்.
அல்லாஹ் தேர்ந்தெடுத்த மேன்மைபடுத்திய ஒரு படைப்பு தான் இந்த மனித படைப்பாகும்.
அல்லாஹ் தபாரக வ தஆலா கூறுகிறான்:
وَلَـقَدْ كَرَّمْنَا بَنِىْۤ اٰدَمَ وَحَمَلْنٰهُمْ فِى الْبَرِّ وَالْبَحْرِ وَرَزَقْنٰهُمْ مِّنَ الطَّيِّبٰتِ وَفَضَّلْنٰهُمْ عَلٰى كَثِيْرٍ مِّمَّنْ خَلَقْنَا تَفْضِيْلًا
மேலும், ஆதமுடைய மக்களைத் திட்டமாக நாம் கண்ணியப்படுத்தினோம், கரையிலும், கடலிலும் நாம் அவர்களை சுமந்து சென்றோம், நல்லவற்றிலிருந்து அவர்களுக்கு நாமே உணவளித்தோம், நாம் படைத்தவற்றில் அனேகவற்றை விட (தகுதியில்) நாம் அவர்களை மிகமிக மேன்மையாக்கியும் வைத்திருக்கின்றோம். [சூரா அல் இஸ்ரா: 70]
அதேபோல் அல்லாஹ் தபாரக வ தஆலா ரஸூல் மார்களையும் தேர்ந்தெடுத்து அவர்களை மேன்மை படுத்தினான்.
அல்லாஹ் சுப்ஹானஹூ வ தஆலா கூறுகிறான்:
وَلَقَدْ فَضَّلْنَا بَعْضَ النَّبِيّٖنَ عَلٰى بَعْضٍ
நபிமார்களில் சிலரை, வேறு சிலரை விடவும் நிச்சயமாக நாம் மேன்மையாக்கி வைத்தோம் [சூரா அல் இஸ்ரா: 55]
மேலும் கூறுகிறான்:
تِلْكَ الرُّسُلُ فَضَّلْنَا بَعْضَهُمْ عَلٰى بَعْضٍۘ
அத்தூதுவர்கள் அவர்களில் சிலரைச் சிலரைவிட நாம் மேன்மையாக்கியிருக்கின்றோம் [சூரா அல் பகரா: 253]
மேலான இந்த (தீனை) மார்க்கத்தை எத்தி வைப்பதற்காக எவ்வாறு அல்லாஹ் தபாரக வ தஆலா மனிதர்களிலிருந்து ரஸூல்மார்களை தேர்ந்தெடுத்தானோ அதேபோல் அந்த நபிமார்களுக்கு மத்தியிலும், ரஸூல்மார்களுக்கு மத்தியிலும் சிலரை விட சிலரை மேன்மைப்படுத்தி வைத்துள்ளான்.
எனவே அல்லாஹ் தபாரக வ தஆலா தான் நாடியவைகளை படைக்கின்றான்; தான் நாடியவைகளை தேர்ந்து எடுக்கிறான்; தான் நாடியவைகளை மற்ற படைப்பினங்களை விட மேன்மை படுத்தி வைக்கின்றான்.
அந்த வகையில் அல்லாஹ் தபாரக வ தஆலா படைத்த இந்த உலக வாழ்க்கையின் வருடங்களில், மாதங்களில், நாட்களில், மணித்தியாலங்களில் சிலவற்றை அவன் தேர்ந்தெடுக்கிறான்.
தொடர்ந்து படிக்க..
ஷெய்க் அவர்களின் துல்-ஹிஜ்ஜாவின் முதல் பத்து நாட்கள்; என்ற இந்த பாடத்தை முழுமையாக தெளிவான ஆதாரங்களுடன் கற்றுக் கொள்ள கீழ்க்காணும் PDF ஐ தரவிரக்கம் (DOWNLOAD) செய்யவும்.
எங்களுடைய இந்த அறிவுத் தளத்துடன் இணைந்திருப்பதன் மூலம்; இங்கு பதிவிடப்படும் உண்மையான ஸலபி உலமாக்களின் அல்-குர்ஆன், அகீதா, தவ்ஹீத், பிக்ஹ், பத்வாக்கள் போன்ற இன்னும் பல பயன்தரக்கூடிய அறிவுகளிலிருந்து, இன்ஷா அல்லாஹ் பயன்பெற முடியும்.
